Video
Read full review
2023-06-09
838 views
約咗朋友嚟灣仔食 Lunch，心血來潮想食拉麵，朋友推薦交加里呢間「鳥華亭」。餐廳主打雞白湯拉麵，店內空間不大，只有約十餘個座位，裝潢以黑色和啡木色為主調，門口掛有巨型紅色燈籠，佈置充滿濃厚日式風情。細看餐牌，拉麵選擇不多，只有 7 款，有辣有唔辣。揀咗特盛雞白湯拉麵 同 魚介雞白湯拉麵，另外再加咗幾款小食。唐揚雞以九州特別醬料醃製，入口皮脆肉嫩又多汁；煎餃子香脆可口，皮薄煙韌，餡料肉汁豐盈，用作小食好開胃。忌廉蟹肉餅即叫即炸，外層好鬆脆，而內裡嘅忌廉亦很滑溜，帶蟹肉鮮味。蓮藕片經風乾後才炸製，入口香脆無比，值得 encore。特盛雞白湯拉麵：湯頭奶白帶微黃，入口濃而不鹹，可以感受到滿滿嘅膠原蛋白。麵條有直身同捲曲可供選擇，而且仲可以自選硬度，麵質好爽口，食落Q彈有嚼勁。配料份量十足，除了雞叉燒外，還有炸蓮藕片、蘆筍、紫菜、有味筍和糖心蛋等。雞叉燒又嫩又滑，與麵條嘅蛋香很夾，口感清爽，糖心蛋蛋味好濃郁。至於另一客魚介雞白湯拉麵亦係誠意之作，雞白湯底加入用木魚、小魚乾和魚骨磨成嘅魚粉，再配洋蔥粒和蔥花，湯頭鮮甜帶魚香。配料嘅雞叉燒同樣以雞髀肉加味醂及酒等燜煮，肉質軟嫩又入味，配辣芽菜吃，
約咗朋友嚟灣仔食 Lunch，心血來潮想食拉麵，朋友推薦交加里呢間「鳥華亭」。
餐廳主打雞白湯拉麵，店內空間不大，只有約十餘個座位，裝潢以黑色和啡木色為主調，門口掛有巨型紅色燈籠，佈置充滿濃厚日式風情。
細看餐牌，拉麵選擇不多，只有 7 款，有辣有唔辣。揀咗特盛雞白湯拉麵 同 魚介雞白湯拉麵，另外再加咗幾款小食。
唐揚雞以九州特別醬料醃製，入口皮脆肉嫩又多汁；煎餃子香脆可口，皮薄煙韌，餡料肉汁豐盈，用作小食好開胃。
忌廉蟹肉餅即叫即炸，外層好鬆脆，而內裡嘅忌廉亦很滑溜，帶蟹肉鮮味。蓮藕片經風乾後才炸製，入口香脆無比，值得 encore。
特盛雞白湯拉麵：湯頭奶白帶微黃，入口濃而不鹹，可以感受到滿滿嘅膠原蛋白。麵條有直身同捲曲可供選擇，而且仲可以自選硬度，麵質好爽口，食落Q彈有嚼勁。
配料份量十足，除了雞叉燒外，還有炸蓮藕片、蘆筍、紫菜、有味筍和糖心蛋等。雞叉燒又嫩又滑，與麵條嘅蛋香很夾，口感清爽，糖心蛋蛋味好濃郁。
至於另一客魚介雞白湯拉麵亦係誠意之作，雞白湯底加入用木魚、小魚乾和魚骨磨成嘅魚粉，再配洋蔥粒和蔥花，湯頭鮮甜帶魚香。
配料嘅雞叉燒同樣以雞髀肉加味醂及酒等燜煮，肉質軟嫩又入味，配辣芽菜吃，更添滋味！
Post
