天天海南雞飯 (ELEMENTS圓方)

Open Now

Now Closed

首先，我地點左雞油飯，一上枱就見到飯粒晶瑩剔透，油香撲鼻，每一口都帶住濃郁嘅雞味，飯粒既唔過油亦唔會太乾，好有層次感，上面嗰層雞油嘅亮澤。😋至於白咖喱香茅豬扒，豬扒煎到外層金黃脆口，但內裡仲保持到嫩滑多汁，白咖喱濃郁但唔會太膩，香茅嘅清新味道同咖喱奶香融合得啱啱好，每一啖都係層次分明，食完仲想再舀啲醬汁拌飯，根本停唔到口！🤤而黑胡椒羅氏蝦粉絲煲嘅蝦肉鮮甜彈牙，蝦都煮得啱啱好，唔會過熟，仲保留晒鮮味。黑胡椒醬汁濃烈而唔會掩蓋住蝦嘅味道，份量啱啱好滲透落粉絲度，吸滿晒汁嘅粉絲非常惹味！🦐最後要提嘅係古法雙冬羊腩煲，羊腩炆得好入味，一啲羊羶味都冇，肉質軟腍但唔會散晒，仲有支竹和馬蹄吸曬湯汁！🔥