二鍋頭 (嘉芙中心)

Open Now

Now Closed

雞煲同打邊爐，呢個組合相信大家一定唔會陌生，一坐低店員就好快啲同我哋介紹有三款套餐，第一款係正常打邊爐加雞煲，第二款係海鮮套餐，第三款係美國SRF牛。餐廳內外食物選擇因為我哋主要都係雞煲控，所以就揀咗最普通嗰隻打邊爐套餐。雞煲加火鍋 $198雞煲方面，如圖片所見，份量好多，都好入味，唔怕唔夠飽！肉質方面正常，不過我其實都係洋蔥控，如果洋蔥個量可以多少少，咁就完美喇。至於打邊爐我就揀咗沙嗲湯底，由頭開始到食完，一次湯都冇加過，可見店家比嘅份量真係好多，沙嗲味再濃啲就更加好食！自助區方面都好多選擇，飲品類，菇類，菜類，麵，同炸魚皮都係任夾人。其他肉同少量海鮮都係點菜紙揀。點菜紙嘅蝦好新鮮，唔係好似出面其他舖頭嘅雪藏蝦，所以次次落單都有揀。羊就帶羶味，未必個個接受到。