日暮家 麵匠 (Closed)

去既時間係星期六大約2點，過左食飯時間但仍然要等位。舖頭細細，有分吧枱區同普通座位，座位有點逼夾，坐得唔算舒服。但好欣賞餐廳提供壓蒜器比客人，可以壓新鮮蒜泥加入拉麵。《$98 日和拉麵》濃厚醬油雞白湯，奶白色湯底非常濃郁，香氣迫人，唔算死咸但食完有點渴喉。配菜有慢煮雞肉叉燒兩塊，相當滑嫩。麵選了幼麵，咬落彈牙亦好掛湯。《$158 蒲式檸檬蜆貝拉麵》檸檬配蜆肉，食落相當清新。未落蒜前食得出蜆肉鮮味，其後加入左新鮮蒜蓉，直接讓味道提升左一個層次。配菜是豚肉叉燒，還有大量蜆肉。蜆肉算俾得大方，質素都不錯，唔係又梅又細粒嗰d，慢煮叉燒係正常水平，成碗拉麵都非常鮮味。《+$1 糖心蛋》因為餐廳一周年，所以提供$1糖心蛋嘅優惠。日本蛋本身蛋味濃，做成糖心蛋，再係蛋面印上可愛既掌印，值得一叫。《+45 天婦羅無骨雞翼-明太子》雞翼去骨，再攞去炸，配上明太子醬，好香脆又唔會成口油，有驚喜。《+35 羽根燒餃子》35蚊3隻餃子，性價比相對地低。日式餃子，連住已經煎脆的皮一起上碟，普普通通。《日暮家黑豆茶》自家製黑豆茶，對比汽水和酒是比較健康的選擇，茶香味唔濃，但飲到最後會有甜甜地。