京都大酒樓

Open Now

Now Closed

出街晚飯選了黃大仙呢間京都，未幫襯過腍住試吓好唔好。雖然我哋有四個人，但胃口細，點了四個餸就夠食了。晚市有孖寶菜式，又有精選優惠，價格唔貴。今晚羊腩煲賣98元，要一份。孖寶要了姜蔥霸王雞配上湯龍蝦伊麵，再加一個海皇雜菜煲。姜蔥霸王雞賣相正常，面層鋪左大堆姜蔥，底層有醬油浸住雞件。夾起一件準備入口，點解雞肉離曬皮，肉質散修修，冇曬味。大家你眼望我眼，開始品評呢碟餸。我哋結論係呢隻雞似乎用來燉過湯，所以變成咁。上湯龍蝦伊麵，龍蝦肉幾大件又厚實，伊麵有咬口，上湯味偏清淡。羊腩煲，羊腩份量唔算多，炆得淋，配料就多，冬菇好大隻，冬荀和腐竹都入味。海皇雜菜煲，夠大煲，疏菜充足，什錦海鮮放在面層，睇落幾多，不過湯底都係偏向清淡。四個餸，冇一個特別好味，所以食飽就算。