媽咪雞蛋仔 (Moved) New Location

去過咁多次媽咪雞蛋仔，今次都係第一次試佢嘅雪糕雞蛋仔。📍粒粒朱古力雞蛋仔加朱古力雪糕（ $45 ）揀咗朱古力雪糕配粒粒朱古力雞蛋仔🍨2大球冰凍嘅雪糕配上新鮮整好熱辣辣嘅雞蛋仔無論賣相定味道都冇得輸😍🤟🏻兩樣口感同溫度完全相反嘅食物加埋一齊絕對起到加成效果❤️雞蛋仔外面焗得比平日脆身配埋雪糕食都唔會腍咗而且中間仲真係食到粒粒朱古力🍫媽媽雞蛋仔嘅朱古力口味果然係冇得輸😆👍🏻食到最後雞蛋仔浸埋d溶咗嘅雪糕度一齊袋朱古力更加濃郁🥰好好食📍奶茶豆花（$24 ）除咗雞蛋仔其實佢仲有飲品。呢杯奶茶豆花唔會甜膩，比較淡口。下層加咗百福豆腐花，夠晒滑溜，配着雞蛋仔一齊食都唔錯。