Video
Read full review
2023-07-28
1061 views
朋友嚟太古搵我食晏，問我有乜好推介。記得友人愛吃海南雞，所以就專登帶咗佢嚟呢間「Chatterbox Café」嘅快餐副線食個 late lunch。嚟到剛好過了午市繁忙時間，店內食客不多，可以隨意自選座位。餐廳裝潢時尚，環境光猛，座位寬敞舒適，十分適合打卡。我哋點咗兩個套餐：文華海南雞飯 ($112) 同 新加坡肉骨茶麵線 ($112)。加咗 $10 將海南雞升級轉做雞髀。雞肉用慢煮方式烹調，肉質嫩滑又多汁，加上已經全部去晒骨，啖啖肉，食得好方便。附上嘅黑醬油、薑蓉同辣椒醬亦唔輸蝕，各具特色，令雞件食味提升不少！油飯夠香又唔肥膩，配上以豆腐及椰菜絲烹調嘅雞湯，好滋味。另外呢客肉骨茶麵線，水準亦唔錯，肉骨茶醇香厚實，帶濃郁白胡椒香氣，麵線掛滿湯汁，更添層次。一字骨軟腍入味，而其他配料就仲有豆卜同金菇，加上香脆嘅油條，吃得非常飽足。跟餐飲品點咗罐汽水 同 凍涼粉豆漿 (+$16)，豆漿好飲有豆味，涼粉滑嘟嘟，同豆漿好夾。
朋友嚟太古搵我食晏，問我有乜好推介。記得友人愛吃海南雞，所以就專登帶咗佢嚟呢間「Chatterbox Café」嘅快餐副線食個 late lunch。
嚟到剛好過了午市繁忙時間，店內食客不多，可以隨意自選座位。餐廳裝潢時尚，環境光猛，座位寬敞舒適，十分適合打卡。
我哋點咗兩個套餐：文華海南雞飯 ($112) 同 新加坡肉骨茶麵線 ($112)。加咗 $10 將海南雞升級轉做雞髀。
雞肉用慢煮方式烹調，肉質嫩滑又多汁，加上已經全部去晒骨，啖啖肉，食得好方便。附上嘅黑醬油、薑蓉同辣椒醬亦唔輸蝕，各具特色，令雞件食味提升不少！
油飯夠香又唔肥膩，配上以豆腐及椰菜絲烹調嘅雞湯，好滋味。
另外呢客肉骨茶麵線，水準亦唔錯，肉骨茶醇香厚實，帶濃郁白胡椒香氣，麵線掛滿湯汁，更添層次。
一字骨軟腍入味，而其他配料就仲有豆卜同金菇，加上香脆嘅油條，吃得非常飽足。
跟餐飲品點咗罐汽水 同 凍涼粉豆漿 (+$16)，豆漿好飲有豆味，涼粉滑嘟嘟，同豆漿好夾。
Post
