黃金燒味 (Closed)

活動多多左出港島, 灣仔成為偶爾路經嘅地方, 係灣仔解決一餐半餐成為左日常要做的事。今次就揀左係修頓旁的黃金燒味, 係軒尼斯道, 又近地鐵, 簡簡單單又一餐。如果二三人夜晚嚟，二人套餐就啱晒喇。二人套餐, 有燒味、蒸魚、滷水拼盤、時菜, 送埋例湯或啡茶, 二百蚊多少少, 都唔差。 老火湯 第一個湯叫了老火湯, 青本瓜煲豬骨, 清甜而肉味濃。 淮山杞子螺頭燉雞 第二個湯加錢換了淮山杞子螺頭燉雞湯, 有雞湯的潤肺, 唯可再隔多一點油。 燒味拼盤 燒鵝拼乳豬，燒味果然做得有水準，尤其是乳豬，外皮燒得脆卜卜，肉質鬆化，又唔會醃得過鹹；至於燒鵝, 都幾好食，皮脆油香。 拍蒜豉汁蒸倉魚 蒸魚原條上，而豉汁落足料好惹味，條魚蒸得恰到好處，肉質嫩滑，伴以豉汁蒸魚撈飯，一流! 白雲雞腳伴青瓜 酸甜開胃, 夠爽口。 油菜 鵝掌翼 口痕痕又叫多碟鵝掌翼。 鵝掌鵝翼都特別巨型, 鹵水味芳香，不會死鹹，又帶點陣陣酒香，層次豐富。 最後以兩杯凍檸水作結 燒味始終係港式產品，總會arm口味，亦老少咸宜，所以餐廳都幾旺場ga!