滷府 (Closed)

今晚屋企人有節目冇人煮飯, 晚飯食自己, 放工係附近兜下睇有咩外賣買返屋企食。經過見到呢間鹵味外賣店, 廚窗內掛上幾隻大大隻鹵水鵝, 而且門外貼住抗疫套餐有特價, 仲有飲品送。見咁抵就決定買呢間外賣!抗疫套餐中, 揀咗其中一款慢煮鹵水鵝肉飯鵝肉唔肥, 啖啖肉, 肉質嫩滑又林, 多肉汁, 鹵水入味唔會太鹹; 伴有淡淡豆香嘅千層腐皮同埋爽脆酸甜菜。份量足夠飽肚。套餐仲包野一杯飲品。另外要散叫咗兩款鹵味加料。鵝腸: 好透薄, 間中有鵝油膏連帶, 入口爽得黎唔會起渣, 又唔會韌到咬唔開。墨魚: 林中帶爽, 但味道唔突出。