清真牛肉館 (龍崗道) (Closed)

九龍城一向都係臥虎藏龍之地、今晚兩口子係區內行咗一大圈終於諗掂推門入內祭祭五臟廟 ；～ 牛肉餅合格、新鮮熱辣即叫即煎、入口外皮鬆脆得嚟煙煙韌韌又唔油膩、牛肉餡多汁惹味、保持一貫水準～ 糖醋桂花魚一般水準、魚身偏細所以炸過後肉身比較乾、最不恭維嘅係個芡汁、只可以用化學茄汁加生粉水來形容。。。上枱隔咗幾分鐘D芡汁涼咗就漿住晒，收 $148 真心㗕一D都唔貴、不過唔係話收得平就Hea住做、師傅俾多D心思做得好些可以嗎？～ 咖哩羊腩浄食大大碟賣 $78 蚊非常低食、雖然明知係雪藏貨、但羊肉處理得非常好、肥瘦適中有咬口、配合咖哩好惹味。要挑剔的話越食越覺得鹹同口乾。。。（師傅落咗重味精？）、問啊姐有無薄餅之類嘅嘢想嚟中和一下、啊姐介紹咗清真推介嘅葱油餅。。。一試之下其實兩樣嘢一D都唔夾、咖哩嘅濃味完全掩蓋左葱油餅嘅葱香、而且兩㨾同樣係濃味嘅食材越食越鹹。。。最後唯有。。。打包。。。～ XO 醬炒什菌用料非常足、成個碟底都係 XO 醬、相信用咗大半樽 XO 醬去炒。。。整體味道非常重同鹹。。。最後唯有。。。打包。。。～ 牛肉鍋貼合格綜合係一間食完會令你血壓急升嘅小館（因為食物實在太重口味同鹹）、真