小蟻人 甜品西餐 (Closed)

放工後想食埋飯先歸家，我一於約埋同事去試下新開既餐廳，由於係公司附近好就腳，所以算係方便咁啦。首先叫杯橙汁飲下，估唔到係鮮炸橙汁播，仲有粒粒係裡邊，最緊要係唔會太甜，而家健康幾咁緊要，杯飲品算有誠意。跟手叫左碟黑松露帶子炒飯，差不多每粒飯都有黑松露痴住，另外仲有兩片黑松露，所以成份炒飯好香呀，用料都好足。帶子切左粒粒，細細粒好易趙呀，而且咬落好爽滑，同黑松露香味好夾。最後食埋份甜品，係某大牌子既雪糕加馬卡隆。雪糕好特別，外型似西瓜但食落唔係果回事，紅色係士多啤梨，綠色係開心果，黃色係檸檬，裡面仲有埋果肉添，真係睇得又食得。