Video
Read full review
2018-02-19
189 views
冇諗過未到正式假期朗豪坊已經咁多人。飽肚嘅選擇都大排長龍，唯有轉戰庭嘅輕食。嚟到I CREMERiA 啱啱兩點轉tea set，比散叫平成截！呢個新年set定價貴啲，差不多要二百蚊，但作為二人餐其實份量幾多。有一杯自選軟雪糕加六格輕食/甜品，再選兩杯冷熱飲品。蛋糕、三文治一格一件，係BFF「放閃」share 好嘢食嘅良機。I CREMERiA 主打雪糕，但個人認為偏甜嘅軟雪糕反而比較普通。我哋點咗扭紋（原味X抹茶），雪糕比較稀，尤其係原味，不論係味道定質地都似新地筒。抹茶味帶茶香，但始終被甜味蓋過。日本口味可能都係偏甜？🤔食完好快溶嘅雪糕，就係時候食啲格仔喇～最高水準嘅係茶大福，果然日系甜點先係本業？🍵大福外皮鋪滿茶葉碎，聞落清香，食落又唔苦。咬開黏韌嘅糯米皮就見到混入茶葉嘅白豆蓉，餡料嘅茶葉比較濕潤大片，所以茶味幾滲到入餡。抹茶芝士蛋糕都冇令人失望。綠色嗰層最重芝士同抹茶味，質地似實少少嘅日式輕芝士。三文治係唯一嘅鹹點，起初望見好多醬以為好漏，但原來三文治餡料都幾講究，配合得唔錯。麵包厚身且較黏韌，係法包。入面除咗蕃茄、豆芽，仲夾咗大片牛油果。但menu講嘅芝士就食唔出，不過而家嘅配
新年輕食二人set
$188
19 views
0 likes
0 comments
呢個新年set定價貴啲，差不多要二百蚊，但作為二人餐其實份量幾多。有一杯自選軟雪糕加六格輕食/甜品，再選兩杯冷熱飲品。蛋糕、三文治一格一件，係BFF「放閃」share 好嘢食嘅良機。
I CREMERiA 主打雪糕，但個人認為偏甜嘅軟雪糕反而比較普通。
我哋點咗扭紋（原味X抹茶），雪糕比較稀，尤其係原味，不論係味道定質地都似新地筒。
抹茶味帶茶香，但始終被甜味蓋過。日本口味可能都係偏甜？🤔
食完好快溶嘅雪糕，就係時候食啲格仔喇～
最高水準嘅係茶大福，果然日系甜點先係本業？🍵
茶大福
16 views
0 likes
0 comments
大福外皮鋪滿茶葉碎，聞落清香，食落又唔苦。
茶大福
24 views
0 likes
0 comments
咬開黏韌嘅糯米皮就見到混入茶葉嘅白豆蓉，餡料嘅茶葉比較濕潤大片，所以茶味幾滲到入餡。
抹茶芝士蛋糕都冇令人失望。
抹茶芝士蛋糕
38 views
0 likes
0 comments
綠色嗰層最重芝士同抹茶味，質地似實少少嘅日式輕芝士。
三文治係唯一嘅鹹點，起初望見好多醬以為好漏，但原來三文治餡料都幾講究，配合得唔錯。
雜菜芝士三文治
9 views
0 likes
0 comments
麵包厚身且較黏韌，係法包。入面除咗蕃茄、豆芽，仲夾咗大片牛油果。
但menu講嘅芝士就食唔出，不過而家嘅配搭已經好好。
紅豆白玉丸子冇咩特別，合乎預期。
紅豆X蜜餞栗子X白玉丸子
8 views
0 likes
0 comments
兩款水果我認為士多啤梨比較新鮮，熟成度較高。
不過大家都唔會專登去cafe食水果啦～
飲品方面叫咗朱古力同cappuccino，賣相係唔錯嘅，但溫度同味道都差咁啲——淡咗啲又唔夠熱。
人多嚟食嘅話幾啱食呢個set，因為單係cheesecake 散叫就$48，除返開一定平好多。
環境其實幾靚，有露天茶座，可惜同時係吸煙區...同埋朗豪坊實在太嘈，一班friends 嚟可以暢所欲言，情侶？都冇話唔好嘅，聽唔到對方講嘢咪可以坐埋啲囉～🤣
Post
