微酵烘焙 (MOKO新世紀廣場) (Closed)

由sharetea推出嘅新品牌微酵烘焙短時間開左幾間分店，其中一間位於新世紀，由於比較近公司，午飯後都兜一兜過黎，諗住揀幾個麵包作為下午茶同翌日早餐香港來講比較少有咁大個鋪位，麵包結合茶飲店，所以人流都幾旺。供應多款麵包同飲料 (款式有別於歇腳亭)，只有外賣並冇堂食位置。台灣大熱嘅爆漿珍奶軟歐、三色髒髒包都有供應，不過我對甜麵包興趣不大，另有鬆餅、肉鬆包、花生、香蒜、芝士金磚等鹹麵包，個人幾推薦佢地嘅金磚，穩打穩扎無雷區。香菇麻薯包 $22造型特別、可愛，好似一個鮮冬菇，切開裡面有少量嘅麻薯同芝麻餡，芝麻都夠香嘅，少少甜，又唔會話好濃郁或過火，大人、小朋友應該會喜歡。香軟肉鬆包 $28包面灑上大量肉鬆，少少海苔同芝麻，食落非常香口，麵包軟硬適中。Le Pain招牌三文治 $22以三文治黎講，22蚊就唔算貴，便利店都差唔多。呢個感覺幾似洪瑞珍，奶油吐司夾層有甜牛油、火腿、薄蛋，口感香軟蒜香煙肉丸包 $28呢個包都幾大個，蒜蓉、煙肉焗至金黃，幾惹味，最主要係我隔左野先食，包身都仲好軟熟。芝士金磚 $19穩陣款，厚多士以芝士焗至金黃，聞落去已經好香，麵包雖然咁厚切，但食落都唔會話乾鞋奶蓋墨沏