101臺灣品味館 (Closed)

旺角行完街，附近成條街都大把野食，米線，台灣野，日本野，韓國野，咩都有。最後揀返呢間食過2次的台灣野， 呢間飯類我食過， 飯夠多，料都好足！今次食個米粉試一試，我覺得佢呢米粉同一般唔同，好滑，食得慢又冇發脹👍🏻，可能真係台灣新竹米粉哈哈 我唔識分， 好味就得😋😋鹽酥雞，通常最怕淨係食到炸粉一舊甘，呢間做得唔錯，咬開真係睇到舊雞肉，又唔係炸到乾哂，炸粉唔厚。個餐包台式飲品，叫左走糖珍珠奶茶，飲落真係冇甜味😂😂👍🏻可以再黎食！