Video
Read full review
2018-10-09
119 views
之前行開北京道，都會比iSquare對面長長既人龍吸引住，一問之下先知原來係一間叫鹿角巷既台式飲品店。自問都係一個成日飲台式飲品既人，一直都好想一探下佢既虛實；但係佢長長既人龍一直都令我"的"唔起心肝去排。。。直到前兩日行經西洋菜南街時，比我發現原來鹿角巷響旺角開左分店！雖然係星期日，但係排隊人龍唔算太長，所以我就即刻去排隊試下聞名已久既鹿角巷！用左大概十分鐘時間就輪到我order；雖然佢既雪絨系列好似好吸引，不過作為第一次試飲鹿角巷既我，當然要先試試佢地既招牌黑糖鹿丸！Order完之後響另一條隊又再等多二十幾分鐘，終於都叫我既number啦。響排隊既時候，我已經熟讀左佢既飲用procedure；首先要好霸氣咁直接飲Ｄ珍珠先，然後再搖9下再體驗另一種口感。一接過黑糖鹿丸鮮奶，我即刻feel到杯底既黑糖珍珠暖暖的，就知道係即場煮的。襯住珍珠仍然係暖既時候，當然要即刻試下未搖之前既feel先啦。第一吸上黎既黑糖珍珠暖暖的，唔會太甜，又唔會痴住一大舊吸唔到咁，口感好Ｑ彈，成個感覺好幸福！響飲第二啖之前，當然要跟足procedure咁搖佢9下 ；望住純白色既牛奶慢慢染成淺淺既啡色，成個感覺好治
直到前兩日行經西洋菜南街時，比我發現原來鹿角巷響旺角開左分店！雖然係星期日，但係排隊人龍唔算太長，所以我就即刻去排隊試下聞名已久既鹿角巷！
用左大概十分鐘時間就輪到我order；雖然佢既雪絨系列好似好吸引，不過作為第一次試飲鹿角巷既我，當然要先試試佢地既招牌黑糖鹿丸！Order完之後響另一條隊又再等多二十幾分鐘，終於都叫我既number啦。
響排隊既時候，我已經熟讀左佢既飲用procedure；首先要好霸氣咁直接飲Ｄ珍珠先，然後再搖9下再體驗另一種口感。
一接過黑糖鹿丸鮮奶，我即刻feel到杯底既黑糖珍珠暖暖的，就知道係即場煮的。襯住珍珠仍然係暖既時候，當然要即刻試下未搖之前既feel先啦。第一吸上黎既黑糖珍珠暖暖的，唔會太甜，又唔會痴住一大舊吸唔到咁，口感好Ｑ彈，成個感覺好幸福！響飲第二啖之前，當然要跟足procedure咁搖佢9下 ；望住純白色既牛奶慢慢染成淺淺既啡色，成個感覺好治癒！搖完9下之後一飲，mix完後甜甜既鮮奶味道真係好好味，鮮奶既味道好適中；估唔到原來珍珠除左同奶茶係bff之外，同鮮奶都係咁夾！一杯黑糖鹿丸鮮奶既份量好岩響lunch同dinner中間飲，唔會話太大杯鮮奶同太多既珍珠令到飲完之後好飽。
總括黎講，$28既價錢尚算合理，可以再戰！
黑糖鹿丸
$28
7 views
0 likes
0 comments
Post
