Video
Read full review
2020-10-28
829 views
今日放假同朋友一齊去奧海城行下街，行到攰就打算搵個地方坐下，傾吓偈咁。。咁岩見到一期商場有間甜品店，就打算去望下坐下。去到好得意，成間鋪係麥兜佈置嘅，有好多精品放係櫃，仲有收銀位有公仔，連牆身都係麥兜故事，鐘意麥兜嘅你一定要去睇下打下卡😂同個姨姨傾計先知，原來呢間係社企店，幫助一啲婦女青少年就業嘅，甜品都係佢地用心去整。鐘意麥兜或者經過行下想食個糖水可以去支持一下😬餐牌選擇都好多㗎。。川貝無花果燉雪梨🍐哇，好甜好潤！重點係原個雪梨，而且係原個中間起左個芯，好得意。個雪梨食落都好甜喎，糖水係清甜，好飲，岩哂秋天咁乾燥嘅天氣。。雜果水晶珠水晶珠同西米好似，但兩者唔一樣，水晶珠用海澡粉做㗎，粒粒爽口彈牙！雜果有西瓜🍉芒果🥭哈密瓜🍈奇異果🥝。。見住店員拎出嚟新鮮切，好甜好滿足！店員話like 社交平台可以有麥兜貼紙送，貼紙原來係好耐好耐之前Ok嘅貼紙，絕版啦，估唔到呢間店儲左好多，應該老闆係麥兜fans😂😂呢間小店真係幾有人情味😎
咁岩見到一期商場有間甜品店，就打算去望下坐下。去到好得意，成間鋪係麥兜佈置嘅，有好多精品放係櫃，仲有收銀位有公仔，連牆身都係麥兜故事，鐘意麥兜嘅你一定要去睇下打下卡😂
同個姨姨傾計先知，原來呢間係社企店，幫助一啲婦女青少年就業嘅，甜品都係佢地用心去整。鐘意麥兜或者經過行下想食個糖水可以去支持一下😬
餐牌選擇都好多㗎。。
川貝無花果燉雪梨🍐
哇，好甜好潤！重點係原個雪梨，而且係原個中間起左個芯，好得意。個雪梨食落都好甜喎，糖水係清甜，好飲，岩哂秋天咁乾燥嘅天氣。。
雜果水晶珠
水晶珠同西米好似，但兩者唔一樣，水晶珠用海澡粉做㗎，粒粒爽口彈牙！雜果有西瓜🍉芒果🥭哈密瓜🍈奇異果🥝。。見住店員拎出嚟新鮮切，好甜好滿足！
店員話like 社交平台可以有麥兜貼紙送，貼紙原來係好耐好耐之前Ok嘅貼紙，絕版啦，估唔到呢間店儲左好多，應該老闆係麥兜fans😂😂呢間小店真係幾有人情味😎
Post
