麥當勞 Next

Open Now

Now Closed

麥當勞 Coconut milk latte；星期一下午啱啱出完trip，途經金鐘地鐵站，順道入去麥當勞飲咖啡，衝鋒陷陣後真係要唞一唞。第一次嚟e間麥當當，order咗杯厚椰latte，特價只收九個九，不過要用手機落單，之前登記做佢嘅member先至有如此優惠價。晏晝三點幾𥚃邊都唔係太多顧客，搵咗個寬敞位置坐低，嘆返杯凍咖啡，不知幾爽。咖啡味道稍淡，帶微微的椰子味，甜道適中，但係就多冰多水，無辦法，九個九，仲想點！自己就喜歡有榛子味道嘅咖啡，我估椰子味應該唔係咁多人杯咖啡，可能東南亞地區會有多啲人喜愛。唔知係唔係落椰奶，我飲完後覺得有啲滯。e間麥當勞嘅裝修格局同一般嘅麥當勞有少少唔同，特別間開一個大角落，裝修簡約兼光猛闊落，中間有玻璃門分隔，減低外邊嘈雜聲音，比顧客有一個較舒適安靜嘅環境休息叉叉電，不需要高消費兼且任你坐幾耐都無人趕你走。如果到考試嘅時候，e度𥚃邊會唔會好似Pacific Coffee間店舖，一到考試期間就坐滿晒啲同學仔温書苦讀咪notes！