Video
Read full review
2015-01-01
1453 views
早前同老婆、表姨甥行完麥理浩徑，第一次嚟大賣懷舊情懷嘅「羅麥記」食晏，知道太古及將軍澳都有分店，但相對唔就腳，屯門店就較順道啲。其實嗰次都志在個懷舊環境，因為好多牆畫、公仔、標誌都伴著小弟一同成長，份外有共鳴，不過，當日樣樣都幾好食，但個滑蛋牛肉煎脆米喺失手之作，所以，只喺可以俾個OK佢，有啲百「麥」一疏。今次同幾個朋友再訪，比起上次就物有所值嘞 。「懷舊」始終喺羅麥記最大嘅賣點，尤其幾位朋友都喺有番少少咁上下，對餐廳內好多事物，如飛行棋、粉藍色手冊、舊式二極管電視、撥輪式電話、綠白格仔地磚、懷舊商標……等等，都叫我哋可以講過不停，緬懷一番 ！言歸正傳，大家唔停咁講都應該肚餓吧！晌餐牌上思量一番，朋友面對樣樣都想試嘅心態，都要狠心咁一人揀一樣作決定。 紅豆冰小忌廉奶茶 $38（跟主食$28） 上次試過紅豆冰粒粒奶茶，所以提議朋友一試，朋友都讚佢唔錯，由頭到尾奶茶味都保持到，無被溝淡嘅情況。今次小弟就試另一款小忌廉奶茶，唧上大抹忌廉，外觀變得靚仔咗，撈勻之後，口感更加柔滑如絲，不過，茶味會稍稍沖淡少少。 蝦多士 $58 因為喺店家嘅十大必食之一，上次食過亦覺得有水準，所
「懷舊」始終喺羅麥記最大嘅賣點，尤其幾位朋友都喺有番少少咁上下，對餐廳內好多事物，如飛行棋、粉藍色手冊、舊式二極管電視、撥輪式電話、綠白格仔地磚、懷舊商標……等等，都叫我哋可以講過不停，緬懷一番 ！
言歸正傳，大家唔停咁講都應該肚餓吧！晌餐牌上思量一番，朋友面對樣樣都想試嘅心態，都要狠心咁一人揀一樣作決定。紅豆冰小忌廉奶茶 $38（跟主食$28）
上次試過紅豆冰粒粒奶茶，所以提議朋友一試，朋友都讚佢唔錯，由頭到尾奶茶味都保持到，無被溝淡嘅情況。今次小弟就試另一款小忌廉奶茶，唧上大抹忌廉，外觀變得靚仔咗，撈勻之後，口感更加柔滑如絲，不過，茶味會稍稍沖淡少少。
紅豆冰小忌廉奶茶
$38
38 views
0 likes
0 comments
因為喺店家嘅十大必食之一，上次食過亦覺得有水準，所以推介俾朋友。新鮮熱辣，蝦膠爽彈足秤，多士炸得金黃香脆，入口又唔算油膩，翻兜水準依然。
蝦多士
$58
54 views
0 likes
0 comments
羅記炒蛋 $28 另一十大必食之一，炒蛋果然炒得滑嫩，無過老，仲帶有點點蛋漿，集香滑一身，如果糝少少香草碎，吊吊味，可以有唔同效果；伴有半件牛油厚多士，搽上厚厚一層牛油，啱晒小弟。如果你話三幾朝就有一份咁嘅炒蛋做早餐，幾令人賞心樂事呢 。
羅記炒蛋
$28
26 views
0 likes
0 comments
一小碟精精緻緻，色澤深沉嘅牛脷切成一口一小件，因為煎過，表面有輕微焦脆感，咬落好軟腍，又有輕輕紅酒味，以及牛脷獨有嘅羶香，易入口，喺一份唔錯嘅小食。
香煎紅酒牛脷
$45
44 views
1 likes
0 comments
熱氣嘢總喺人人愛，加埋以炸蒜粒嘅避風塘做法，甘香惹味，誘人小食。上次試嘅避風塘雞翼已經覺得好食，今回嘅鮮魷又喺令人回味，不單鮮魷粉漿薄，鮮魷味突出，唔似雪藏貨，沾滿炸蒜及七味粉，好易一件接一件食唔停 。
避風塘鮮魷
$58
64 views
0 likes
0 comments
個「磚頭」大得無三幾個人都咪叫，麵包磚外層焗得脆脆，而裡面一半喺麵包，一半喺白飯（炒飯相信更好），上層鋪得滿滿咖喱蝦球，咖喱香氣撲鼻，而蝦球既大粒，又爽口，撈勻個炒飯食一流。不過，食到尾淨番唔少白麵包，唔食好似有啲嘥，所以店家有個溫馨窩心提示，就喺如客人有需要，可以向職員索取醬汁回點用，仲要有蕃茄汁、咖喱汁及白汁3款選擇，期望大家唔好嘥嘢啫 ，抵讚！
磚頭焗咖喱芝士蝦球飯
$92
41 views
0 likes
0 comments
懷舊香蕉船 $38 嚟得懷舊就要走多少少，一於以「香蕉船」作結懷舊到底。老實講，豆丁年代，經濟邊有咁好，細個嗰時未食過香蕉船，一盒牛奶公司三色雪糕已經喺難得嘅極品。所以，晌隻「香蕉船」見番三色雪糕：朱古力、士多啤梨、雲呢拿，勾番唔少兒時食雪糕嘅片段 ，香蕉夾雪糕，入口一陣冰涼、香甜，慢慢晌口內化掉，無嘩一聲嘅感覺，卻有一份回憶嘅味道。
懷舊香蕉船
$38
130 views
2 likes
0 comments
Post
