羅麥記 (V City) (Closed)

今早於屯門返工，午餐喺V City揾咗羅麥記。仲記得以前第一次幫襯時係鰂魚涌分店，嗰時食覺得樣樣食品都好好味。事隔咁多年後，雖然久不久都有去屯門幫襯，不過味道及品質真係好一般。唔會有太大的期望。叫咗個厚切通粉+炒蛋＋多士，普普通通。但杯凍檸茶就真係完全無任何茶味。我平時都好少會彈杯飲品架！雖然食品及飲品都麻麻麻，負責帶位及其中一位侍應的服務態度反而唔錯。希望羅麥記可以檢討及改善一下食品及飲品的質素。

終於食到了，每次到羅麥記都十五十六，唔知叫好唔叫好，因為實在太邪惡了，一磚麵包盛滿了炒飯，重疊起豬扒。完全係重量級，但又實在吸引，所以今次真係忍唔住—要食喇。二人叫了焗豬扒飯及西冷牛扒，西冷牛扒先上，叫七成熟，但產品應該係十成熟。周打魚餐湯，杰身，幾好，牛扒就冇特別。經過一段時間，可能因為焗飯，所以等了很久，我的磚頭到了。很大的磚頭，目測跟預期一樣。其實我最鍾意食麵包皮，所以真係十分滿足，豬扒件數都多，炒飯就食不出飯香。飯腳認為豬扒偏咸，但可能我係夾住麵包食，所以我唔覺咸。由豬扒飯食到變豬扒包，肚皮漲大到頂點！大滿足！

整返個快食午餐先!今日路經此地 去完屯門DONKI買野過到黎自然搵食啦 見到有間茶餐廳唔洗排隊即入!XO醬魷魚鬚炒麵 配凍檸茶走甜 午市仲有好多套餐選擇!用香辣既XO醬爆炒麵條 入面放了芽菜 蔥 椒絲 口感豐富 仲有豉油炒得好有獲氣之餘完全唔油膩 估唔到咁平凡茶記都一個炒麵都咁出色好難得!魷魚有幾條都幾彈牙既凍檸茶走甜 茶味濃而不苦屯門屯門鄉事會路83號V City商場1樓11號舖平均消費$66評分7/10

成間高級茶餐廳樣甘，本身對呢間野期望唔大，估唔到難食到甘，第一次覺得點解可以難食到甘！難食到我地懷疑人生甘，究竟我食緊啲咩？？？叉燒濃湯通粉，配炒蛋多士 叉燒無乜味，而且味道唔似叉燒，距個味道同大陸叉燒有啲似，但個味淡好多，舊叉燒裡面d肉都染左粉紅色有啲恐怖，d肉好柴好似唔知食緊乜甘，咬左好多下都食唔到有肉味。通粉好淋，係好cheap 既通粉口感，質量好差。講明係濃湯，望落去似水甘淡，飲落去無乜味，聞到有2滴麻油味，家樂牌通粉湯底仲濃味過距，好食過距多多聲。炒蛋好老，食落去似無落油/牛油炒既蛋，食落去/聞落去都無蛋香味。多士上有少少蒜蓉，好奇怪，好難食！成份野我食左五份一就放棄，真係難食到硬唔落！咖哩雞焗飯咖哩汁好難食。雞好鞋，無肉味，係冰鮮無醃過又無煎香過既味同口感。飯好難食。食左三份一就放棄！奶茶顏色正常，飲落無奶香味無乜茶香味，口感唔滑，有微粒，大家樂大快活好味過距！凍檸水最正常係呢樣野，飲得落肚！隔離個女仔叫左碟炒食，見距食左五份一就停曬手就知咩事。拿拿地埋單走人去左m記填肚！

咕嚕肉只有汁有味肉像剛剛從雪櫃拿出來一樣肉餅顏色白過張台麻辣口水雞只是白烚雞加辣椒油服務員全部一副生無可戀的苦瓜樣全餐最正常是附送的白飯以及飲品（包括水）總結：不了

走黎食個靚早餐先•厚切午餐肉番茄濃湯通粉🍅配羅麥記炒蛋多士濃濃既番茄湯底 加埋厚切既午餐肉好好味 仲要襯埋十年都不變我最愛既通粉 搭埋個靚炒蛋 美好既早餐就係咁滿足左•叉燒蔥花炒蛋飯賣相好吸引個炒蛋整得超靚 入面仲有正叉燒食哂成個滿足哂🤎

羅麥記可以話係近年好新潮又好出名嘅茶餐廳，其實之前都食過㗎啦，但係都係食下午茶晚餐午餐果類啦，今次第一次食早餐都幾有驚喜呀。當然啦我張相好似好大碟咁，但其實我係加咗錢去升級牛角包交咗錢加配薯餅，所以原本個餐係冇咁多嘢食嘅。但係佢塊雞扒好正呀真係，雖然個餐都要四十零蚊，但塊雞扒咁大嘅情況下，都算係好抵食，啖啖肉好有肉汁，唔會乾爭爭，食落去好有咬口之餘呢都唔會韌同唔會有根。另外要讚嘅就係雖然加8蚊先至有薯餅，但個薯餅都好好食㗎又香口又脆又有薯仔味。可惜屋企附近冇喇，如果唔係都可以成日食。

Vcity早餐店唔算多，佢係其中之一。不難找位，坐得好舒服，播住柔和的流行曲，好適合未訓醒的我。早餐2號，香煎豬扒通粉配火腿炒蛋多士蛋炒得熟左少少，火腿煎得幾好。多士的牛油厚到我產生罪惡感，哈哈不過烘左底，有加返啲啲分。豬扒的確係香煎，通粉份量剛好。杯齋啡唔得，下次試其他飲品。

放假經過開屯門 唔知食啲咩好 又熱辣辣 見間羅麥記個裝修幾特別 好似啲懷舊風茶餐廳咁 就入去Tea一個 嗌咗個千層朱古力西多 見OpenRice都無乜人食過 又無乜介紹 都驚驚地係伏野 個西多尼到無咩特別驚喜 但都唔算失望 只係普通西多落左朱古力醬 本身仲預期中間係流心朱古力 不過先$35 又有冷氣涼 都合情合理嘅 當搵個地方打下卡 其實都尚算合格 要求唔應該過高對啲茶記(對於住屯門嘅朋友仔而言) 但如果諗住係專登搭車入去屯門試就無謂喇

磚頭芝士焗海鮮飯， 真係兩個人食都有少少飽，因為飯量都唔少， 有蝦， 扇貝， 青口， 帶子各二。 但可能我係芝士控， 覺得芝士有啲唔夠😅😅， 因為除了飯， 還有個磚頭包😂⋯⋯食曬都好飽。 個包外皮焗脆左， 脆脆地我都覺好食🥰🥰蜂蜜炸魷魚鬚， 但我覺我椒鹽好食d , 因為炸脆左， 加上蜂蜜， 會冧咗， 無甘好食。😀👊蠔油菜心， 無特別驚喜😂

基本上餐牌入面嘅嘢都係油膩食物，炒公仔麵、忌廉汁、炸嘢，所以要減肥嘅就唔好入嚟。雞扒肉燥飯：係是日午餐menu選擇之一，雞扒煎/炸得夠香脆，肉燥配飯一流，而飯唔係用碎米，夠乾身，所以整體唔差。蝦仁雲耳炒絲瓜：有鑊氣，蒜蓉炒菜冇得輸，雖然蝦仁唔係大，但唔會話得兩三隻，唯一挑剔就係油膩，不過預咗。公司治：基本上同一般茶記差唔多，但蛋煎得比較老，如果餐廳有輕盈之選就好喇。

農曆新年假期開始啦！瞓到自然醒突然想食沙嗲牛肉公仔麵，外賣平台幫到我😜😜羅麥記平時就唔多幫襯㗎啦！早餐應該冇問題掛估唔到沙嗲牛肉公仔麵又幾好食喎！面係分開嘅，抵讚有誠意沙嗲牛肉醬汁配得很好牛肉亦有咬口，算係好味👍

今日係聖誕節 單身的我有你都屯門搵食 今日中午人流不算多 我選擇咗羅麥記 我記得上次嚟的時候係好熱鬧的 反而覺得今日人流疏落 呢度同以前都是一樣 都係主打懷舊 裝修沒有怎麼變 我選擇咗一個午餐 白之戀牛肉意粉 同奶茶 原來 芝士夾牛肉係好好食 仲有拉絲感覺 疫情關係 呢個午餐都算不過不失 雖然侍應不多 我問侍應給我一杯水都好快比我 服務態度都還可以 疫情關係都算係咁 我看見隔離枱有碟乾炒牛河都好香 食得津津有味 我下次都想試下＊ 奶茶都算滑我忘記影相 下次補返😄

差到核炸如果夠耐性EQ又高的話,我都不會有下次,食物質素差,上菜慢,落漏單.（因為單據有時間），點了2個午餐,10分鐘左右先來了鰻魚炒飯,一坺野,好難食，怎料等超過半小時也未有另一個焗豬扒飯，於是催侍應......再等了5分鐘侍應先話落漏單要再等10分鐘.連對唔住都無.今時今日咁嘅服務態度...嬲爆就算肚餓都唔食取消俾$走.真的不明白.今時今日咁概環境，.食物味道差，價錢中位，咁嘅服務態度.只是得“懷舊“的賣點也只僅在裝修上，和食物無關...我實在不會再光顧。

在屯門行街時經過一間的餐廳，小休一下吃個下午茶，不過不失。叫了一個雞脾薯條以及一個蜂蜜西多士。花蜜味太重，有點接受不來，但多士的口感不錯，他有原味的西多士，相信會好很多。炸雞脾的肉質不錯，不會炸得太老，但也沒有很多汁，但覺得已經算是不錯，而薯條就是波浪薯條，分量夠，也炸得很脆，但看每個人的口味吧，我比較喜歡炸得軟少少的，但整體不錯。整體上，雖然未去到必食，但如果是行街餓了而吃一個下午餐是不錯的選擇。這個餐廳主打應該是裝修吧，雖然我也沒有拍照裝修，但氣氛也是很有舊式茶記感覺。