Video
Read full review
2019-02-09
247 views
一路都好想食髒髒包，不過又怕食到成個污咀狗咁，所以都係買番屋企一大棚人開心share, 除左包仲有野飲賣。✨傳說中既髒髒，真係巨到嚇死人，我都唔知應該點夾好，好彩店員有幫手♥️✨髒髒之胖（$35): 要食就食個最髒既，番到屋企真係鋪好晒張枱先好食😆。本身以為會好甜好漏，但居然完全無呢個感覺。外層可可粉加上朱古力脆皮，朱古力係70%比利時黑朱古力，佢既甜度唔高，但朱古力味係非常香濃。用天然酵母製作既歐式麵包好有彈性，加埋入面既忌廉芝士真係好香好好食👍🏻呢個係我心目中既髒髒之冠。 ✨囧囧之胖（$35): 家姐話鍾意食呢個多d, 我就繼續支持我既朱古力胖胖。 呢個抹茶味好香，入面仲有紅豆同吉士饀，不過紅豆就有點偏硬。雖然面頭係白朱古力，但係加左抹茶粉之後，你係唔會覺得好甜。我幾欣賞佢d 包可以做到甜度適中，唔會有膩既感覺。✨極濃乳酪（$26): 係三個孖埋一齊果款，芝士迷絕對不能錯過，入面超多餡。忌廉芝士好香，又有d 乳酪既酸味，麵包夠Q 彈。✨爆漿珍奶軟歐（$15）： 呢個幾得意，本身以為d 珍珠會好硬（因為我好怕食硬既珍珠），點知佢係類似mochi 既口感，腍得黎帶少少煙韌。紅茶吉士軟滑得
✨傳說中既髒髒，真係巨到嚇死人，我都唔知應該點夾好，好彩店員有幫手♥️
✨髒髒之胖（$35): 要食就食個最髒既，番到屋企真係鋪好晒張枱先好食😆。本身以為會好甜好漏，但居然完全無呢個感覺。外層可可粉加上朱古力脆皮，朱古力係70%比利時黑朱古力，佢既甜度唔高，但朱古力味係非常香濃。用天然酵母製作既歐式麵包好有彈性，加埋入面既忌廉芝士真係好香好好食👍🏻呢個係我心目中既髒髒之冠。
髒髒之胖
$35
18 views
0 likes
0 comments
✨囧囧之胖（$35): 家姐話鍾意食呢個多d, 我就繼續支持我既朱古力胖胖。 呢個抹茶味好香，入面仲有紅豆同吉士饀，不過紅豆就有點偏硬。雖然面頭係白朱古力，但係加左抹茶粉之後，你係唔會覺得好甜。我幾欣賞佢d 包可以做到甜度適中，唔會有膩既感覺。
囧囧之胖
$35
16 views
0 likes
0 comments
✨極濃乳酪（$26): 係三個孖埋一齊果款，芝士迷絕對不能錯過，入面超多餡。忌廉芝士好香，又有d 乳酪既酸味，麵包夠Q 彈。
✨爆漿珍奶軟歐（$15）： 呢個幾得意，本身以為d 珍珠會好硬（因為我好怕食硬既珍珠），點知佢係類似mochi 既口感，腍得黎帶少少煙韌。紅茶吉士軟滑得黎幾有茶香，但又唔會好甜，呢個有d驚喜。
爆漿珍奶軟歐
$15
13 views
0 likes
0 comments
✨抹茶紅豆（$8): 呢個最平最抵食，面頭有d 黑芝麻幾香，紅豆饀都好多，甜度啱啱好。
✨爆爆水果茶（$35): 冰量無得減，甜度㨂左正常。佢d 生果好多，每樣有兩舊，有菠蘿，番石榴，蘋果，全部都好甜。呢個水果茶係近期飲過茶味最濃既，我個人唔鍾意飲太甜既野，但佢個正常甜度我都覺得啱啱好，酸酸甜甜好醒胃。不過唔知係咪拎番路企太耐路程，d青檸浸得耐就有d 澀味，但整體黎講係好飲既。
爆爆水果茶
$35
8 views
0 likes
0 comments
✨你以為會好甜既包，但食落唔會好甜，呢樣係我最欣賞既地方，朱古力髒髒必食👍🏻
Post
