東海堂 (將軍澳廣場)

Open Now

Now Closed

行開Popcorn商場，行埋嚟將軍澳廣場，知道呢度間東海堂有雪糕食，近排仲出埋梳乎里pancakes，就趁呢日試下。本身唔係專賣pancakes，價錢又唔貴，揀咗草莓梳乎厘班戟配北海道3.6牛乳雪糕，唔會抱好大期望，但實物比預期中靚喎，仲拉咗啲草莓醬。雖然唔可以話係好鬆軟，但都好有梳乎里嘅口感，以主打麵包嘅東海堂嚟講，真係好唔錯，仲係好抵食!記得佢開始賣軟雪糕時係主打揀茶味嘅，諗住嚟試試，可惜原來已經冇再賣抹茶味，得番牛乳味同近期出嘅白桃味。我都係想試番抹茶嘅，好彩仲有抹茶沙冰，仲標明係濃厚嘅，啱哂我，加埋牛乳味雪糕就只係加$3，都試埋啦。抹茶確實好夠味，沙冰唔會太多冰亦唔會太水，啱啱好，至於雪糕嘅奶味就冇我預期咁濃，好啱我。呢度係抵食好味，但始終佢係快餐店形式嘅，就唔好對佢嘅服務同坐位抱太太期望喇。