Video
Read full review
2020-05-24
473 views
假日諗住食個平平地既茶餐，佢門口有麵包外賣部，見幾多街坊幫襯，應該可以一試~其實平日真係好抵食，不過我地今日唔係，所以收左茶餐原價$41.牛肉似係罐頭野，不過味道正常，呢個價錢黎講，個質素岩比例丫，味道不錯。麵底唔算彈牙，不過都無煮到過火，可以啦！要左烘底多士，咪睇張相黑黑地，食落唔算燶，中間夠牛油，麵包夠鬆軟新鮮，就咁食都好正！炒蛋份量唔算多，不過配成個餐其實係夠食，可能只係我自己好鐘意食炒蛋所以覺得少.炒蛋都算食滑有蛋香，唔錯呢間餐廳有個特式，就係fusion到有中式點心，一盎兩件得黎又可以飲番似凍檸茶，簡直夢幻！不過，因為我想食甜野，所以叫左西多士上碟時有舊牛油，但本人影得太慢，溶鬼左，證明温度夠熱！黎既時候切開晒一舊舊，好方便！麵包厚切，真係好鬆軟，如果裡面有埋花生醬餡可謂係無敵，我唔介意比多少少錢，因為個包真係好正！唯一可以改進係蛋汁吸得唔夠多，個包做得咁好唔好浪費丫，吸多d蛋槳會香好多！另外係煉奶亦一早落好，本人覺得略甜。賣單唔洗八十蚊。不過開頭我地唔知假日個西多士茶餐係唔包埋飲品，我地以為包餐飲，落單時亞姐又無話要加錢，如果杯野飲仲貴過件西多士，我地一定唔會叫囉，埋單先發
其實平日真係好抵食，不過我地今日唔係，所以收左茶餐原價$41.
牛肉似係罐頭野，不過味道正常，呢個價錢黎講，個質素岩比例丫，味道不錯。
麵底唔算彈牙，不過都無煮到過火，可以啦！
要左烘底多士，咪睇張相黑黑地，食落唔算
燶，中間夠牛油，麵包夠鬆軟新鮮，就咁食都好正！
炒蛋份量唔算多，不過配成個餐其實係夠食，可能只係我自己好鐘意食炒蛋所以覺得少.炒蛋都算食滑有蛋香，唔錯
呢間餐廳有個特式，就係fusion到有中式點心，一盎兩件得黎又可以飲番似凍檸茶，簡直夢幻！不過，因為我想食甜野，所以叫左西多士
上碟時有舊牛油，但本人影得太慢，溶鬼左，證明温度夠熱！黎既時候切開晒一舊舊，好方便！
麵包厚切，真係好鬆軟，如果裡面有埋花生醬餡可謂係無敵，我唔介意比多少少錢，因為個包真係好正！唯一可以改進係蛋汁吸得唔夠多，個包做得咁好唔好浪費丫，吸多d蛋槳會香好多！另外係煉奶亦一早落好，本人覺得略甜。
賣單唔洗八十蚊。不過開頭我地唔知假日個西多士茶餐係唔包埋飲品，我地以為包餐飲，落單時亞姐又無話要加錢，如果杯野飲仲貴過件西多士，我地一定唔會叫囉，埋單先發現，大家要睇清楚。
總結，性價比高，麵包類超鬆軟新鮮，抵食推介！
Post
