Simplylife The East The West (Closed)

呢個年頭，由街坊超級市場，漸漸變成高級超級市場，連鎖麵包店，都演變成高級麵包店，正所謂一分錢一分貨，吃不慣平價的空氣麵包，被逼選擇了高級版的麵包，一個麵包$16，半碗飯價錢，真係唔食唔知米貴。⭐️chocolate almond cinnamon$16買左個朱古力杏仁玉桂卷，細細個已經要＄16 ,價錢一啲都唔可愛。但係聞落去已經有一大陣玉桂香，麵包好紮實，食落去有好濃烈嘅朱古力味，朱古力同玉桂好夾。麵包真係好香軟，出面有杏仁片，增加口感，鍾意食肉桂嘅朋友一定會好鍾意食。