Délifrance (瑞安中心) (Closed)

位處瑞安的Delifrance，近公司，惜食物選擇較少及較貴，故較少幫襯。今日，同阿叔唔想行咁遠，又想食light少少，就揀左呢度午膳。嘩，最近裝修過，更加靚及grand，叫左個二人餐share食。龍蝦湯配蒜蓉包 – 湯較濃郁，滿口鮮味及creamy，幾heavy吓；蒜蓉包偏細塊，但香脆可口。熱咖啡 – 差過通茶餐廳個d ，超失望﹗雪糕 – 普通雲呢嗱雪糕。三文魚碎蛋法國包 – 肥美三文魚及香滑碎蛋，配合香脆法國包，滋味無法擋﹗黑椒蘑菇扁意粉 – 味道香濃，但偏辣。怕辣的小妹食少少，已滿頭大汗﹗午餐以$72.5呢個價錢，灣仔區好的選擇多的是，小妹未必再幫襯了。