麵家山下 (Closed)

一早就聽講麵家山嘅拉麵唔錯，老板娘系日本人，而且系日本拜師學藝做拉麵，所以拉麵做得好正宗，雖然遠，但為左美食再遠都想去試下，標準嘅聽吃貨，哈哈哈。。。咁出名嘅一間店，我仲以為好大間，但先得十個位置，可能店細名氣大，我點左個最貴嘅DX拉麵，呢間店總店系上水，可能近期生意火爆，所以要開多間分店。湯底我點左個黑蒜，因為我鐘意食蒜點，覺得蒜香味好好食，因為去得比較早，所以無咩人，遲左就要等位喇。如果唔點DX拉麵就系$65,加多十蚊就多左兩只味附蛋，好抵食，好多拉麵店一只蛋就要賣十幾港幣喇。上菜好快，黑蒜口味就系用黑蒜做油，做好麵后淋上去，好香嘅黑蒜味，一碗麵叉燒得幾件，但做得比較用心，兩邊表麵都有燒過，燒過后口感特別值得一贊，入口即溶，但又好有肉質感，肥瘦比例適中，一D都唔覺得油膩，拉麵品質都好OK，唔硬又唔軟，好有彈性，幾十蚊食碗咁料足嘅麵，都算抵食，食完出嚟外邊已經排長隊喇。