夏麵館 (荷里活廣場)

Open Now

Now Closed

嗰日同屋企人去荷里活辧點事，辦完後就搵吓嘢食。荷里活嘅食肆頗多，但係我地都鍾意食湯麵，於是就同佢地嚟到「夏麵館」。當時差唔多一點半，店內食客唔算十分多。店員帶咗我地入去裡面坐低，跟住我就興奮地點餐啦！我地嗌咗三碗麵再加三個小食。另外兩個係套餐，仲送多杯熱豆漿。我想食水晶肉，但係冇得跟餐，只能散叫。啲麵送到嘅時候，俾佢地巨型嘅碗嚇親，真係好大碗，仲有四粒雲吞同埋好多麵。菜肉雲吞唔算皮薄餡靚，但係至少可以食得飽肚。紅油抄手啲醬汁同平時食開有些少唔同，甜甜的，一啲都唔辣。另外豆漿冇乜豆味，冇得同自家製相提並論。水晶肉$55得10粒，質素只屬一般。