麻辣Doi (Closed)

今天和家人想吃辣嘢，朋友推薦到雞地的麻辣DOI地方整潔企理，大部份都係卡位，坐得舒適。牛肉香鍋少辣剛好，因為會越食越辣，另外會配四款配菜，金菇、蓮藕片、牛柏葉、肥腸，成煲上炒埋一齊非常豐富，配菜紅椒花生辣椒同洋蔥炒得爽口入味，肥腸乾身，足夠三個人食。口水雞 必點招牌菜，雞肉嫩滑，配上麻辣口味和甜美菜脯，非常正！乾煸四季豆四季豆炸得非常乾身，再加上半肥瘦肉碎，送酒必點。人均消費百多元，能吃到有水準的川菜實在難得！