美利茶廳 (Closed)

一大清早在附近有波踢，同一班波牛朋友在這裡吃早餐，貪佢舊舊地有麻甩feel，同埋，可以煲煙，因為是日有煙鏟在陣。呢度唔單止比煲煙，仲賣埋煙，怕二手煙的，左右隔離有好多選擇。昨晚掛住賭，無咩點吃東西，想吃飽一點。叫了個腿蛋多士再加件奶油多，跟尾的當然是鴦走少甜。呢度食物貫徹麻甩feel，蛋煎得核核突突又地，好在都係半生熟；多士是一向的水準，雖然薄身，但烘得脆口，奶油多是奶油都夠多，不錯。多左杯凍茶，俾鋼門搞掂埋佢。埋單自己顧自己，31蚊，吃得飽飽，踢波去也。題外話：呢度係多年舊茶檔，坐埋唔係地盤工友就公仔佬，我地踏石地波鞋，短打再加個足球，就夠晒入型入格。