大渣哥茶記 (Closed)

話說之前同一班朋友去咗大渣哥嗰度食晚餐，大家食嘢都比較麻甩，好鍾意叫小菜配飯。叫咗魚香茄子煲、沙嗲肥牛金菇煲、鹹蛋黃肉餅、黃金單骨雞翼。個魚香茄子煲同埋沙嗲肥牛金菇煲都十分出色！鹹度適中，永遠都係餸飯之選！不過可惜冇影到相。而鹹蛋黃蒸肉餅雖然上菜時間較耐，不過食落肉餅好嫩，配埋鹹蛋真係經典家常菜！最後係黃金單骨雞翼，鹹蛋黃炒成沙，再裹上單骨雞翼，最後沈上鹹蛋黃粉，成件事超級有鹹蛋味，對鹹蛋愛好者真係好正！另外佢個底係有啲生菜，可以中和返啲鹹味。