麻市滋味館 (Closed)

麻市是一間麻甩佬食館，入面有很多飲住大啤食羊脾煲的麻甩佬食客，店內裝潢亦很簡單，座位亦比較擠迫，但可以連平日晚上都坐爆總有原因，單靠抵食沒可能留住咁多個麻甩佬，因為它的小菜都非常有鑊氣，海鮮更加又新鮮又抵食，所以今晚我就帶我的姊妹朋友做一晚麻甩佬。＊＊＊＊＊＊＊＊＊＊花生小吃$10/碟，比一般茶樓便宜得多。要做麻甩佬，唔隊返枝大啤都要飲返罐汽水，汽水$10/罐，價格都合理，雪得夠凍。是日例湯$78/盅，已經夠4至6人share。今晚例湯是眉豆花生雞腳湯，很夠火喉，飲得出沒下味精。飲了一半，湯料才露出來，看到下了很多湯料，自己買料煲都不便宜，現在省了很多功夫，$78非常抵飲。麻市有多個滋味孖寶餐，比散叫便宜一點，如果有想吃的叫孖寶餐會抵一點。我們點了個滋味孖寶餐(F)，$168有一隻滋味乳鴿皇和一碟例牌滋味黃金蝦。乳鴿皇皮夠脆，肉亦嫩，油光閃閃，睇見都流口水。黃金蝦例牌都有九隻，蝦殼很脆很重鹹蛋黃味，懶剝殼其實可以連殼食，蝦肉亦結實。薑蔥鮑魚煲價錢取決於用幾多隻鮑魚，$68/隻，鮑魚煲用煲仔上，送上時熱辣辣，入面除了鮑魚，還有豆卜和大量薑和蔥，非常有鑊氣，鮑魚切半方便食用，有嚼勁得來不會