麻甩爐海鮮雞煲私房菜 (銀座廣場)

Open Now

Now Closed

天氣轉涼又係時候食火鍋，餐廳主打和牛海鮮雞煲，除咗有招牌嘅麻甩雞煲口味之外，亦有藥膳花雕醉雞、養生蟲草花、特濃花膠，款式多樣化，食完仲可以打邊爐，任飲任食三小時，適合約三五知己過嚟撐枱腳😋一坐低店員會送上時令刺身拼盤，另外有凍蟹、翡翠螺同炸物拼盤，刺身鮮甜肥美，比得上出面嘅壽司店、凍蟹賣相一流，肉算多，餐廳會提供剪刀同手套方便客人食用，十分貼心、翡翠螺夠惹味、最值得一讚係啲炸物，小丸子真心高質，餡料滿滿，仲有番薯餅、芝士年糕、炸蝦，可以用QR code任點任食，正呀😍之後到招牌嘅麻甩雞煲，辣度小中大，雞塊大大件，啖啖肉，以芫荽、八角、辣椒、洋蔥、薯仔等炒成，香氣濃郁，鹹辣度啱啱好，絕對值得一試！食完雞煲就可以打邊爐，要咗特濃鮮茄豬骨牛尾鍋，有三大塊牛尾，煮至軟身，牛味突出，配上番茄感覺更加開胃🤤肉同海鮮要自己落單，蔬菜、丸類、飲品同甜點就放咗喺自助區，牛肉幾嫩，豬肉正常發揮，必點之選有海蝦，上嚟嘅時候仲郁郁吓，超級生猛，食落爽口彈牙、出面嘅炸魚皮反而有驚喜，薄身又脆，越食越過癮、甜品仲有超好食嘅老虎堂芝士流心雪條，好飽好飽🔥