Video
Read full review
2017-07-26
2077 views
四條麻甩佬約食飯，食乜好？緊係邊打邊爐邊吹水啦。揀太子呢度除左位置方便之外，都想食下呢度嘅手切牛。今晚食左兩款孖寶，海鮮同牛肉質素都好好，環境樸實，係人多打邊爐好去處。豬骨煲+象拔蚌（$348）：豬骨煲有好多湯料，例如粟米，蘿蔔，仲有主角豬骨敖成湯。打邊爐之前飲兩啖，骨膠原豐富。之後用嚟打邊爐，湯底越嚟越出味。呢個優惠仲有象拔蚌刺身，鮮甜爽脆，無論就咁食定淥落豬骨煲度都一樣咁好味。但我始終覺得刺身食最正，原汁原味。活鱆紅魚一條+手切雪花肥牛一碟（$688/一份）：鱆紅魚原條起肉，每塊薄薄地，輕輕一淥，吃得到的魚鮮味。魚骨會幫你椒鹽炸，送酒一流！牛肉係本地手切牛，肉味濃，灼一灼，口感好，我一塊又一塊咁食！我地四條麻甩佬唔夠喉，追加多碟牛呢（$218）。蟶子皇（$18/隻）每人限叫一隻：大大隻蟶子皇，好厚肉架！
緊係邊打邊爐邊吹水啦。
揀太子呢度除左位置方便之外，
都想食下呢度嘅手切牛。
今晚食左兩款孖寶，海鮮同牛肉質素都好好，環境樸實，係人多打邊爐好去處。
豬骨煲+象拔蚌（$348）：
豬骨煲有好多湯料，例如粟米，蘿蔔，仲有主角豬骨敖成湯。打邊爐之前飲兩啖，骨膠原豐富。之後用嚟打邊爐，湯底越嚟越出味。
呢個優惠仲有象拔蚌刺身，鮮甜爽脆，無論就咁食定淥落豬骨煲度都一樣咁好味。但我始終覺得刺身食最正，原汁原味。
活鱆紅魚一條+手切雪花肥牛一碟（$688/一份）：
鱆紅魚原條起肉，每塊薄薄地，輕輕一淥，吃得到的魚鮮味。魚骨會幫你椒鹽炸，送酒一流！
牛肉係本地手切牛，肉味濃，灼一灼，口感好，我一塊又一塊咁食！
我地四條麻甩佬唔夠喉，追加多碟牛呢（$218）。
蟶子皇（$18/隻）每人限叫一隻：
大大隻蟶子皇，好厚肉架！
Post
