德如茶餐廳

Open Now

Now Closed

同新相識既同事食飯，佢話間嘢都幾麻甩，問我哋幾個女仔會唔會介意😅我哋馬上答：只要好味就得啦！佢間餐廳喺個斜路隔離，有啲食嘢位置喺舖內，有啲位置喺舖外面。我哋坐咗喺出面，好多麻雀同肥白鴿喺外面飛黎飛去🙄衛生情況真係唔係幾得⋯算啦身水身汗行上黎，試啦唯有！同事推介的家鄉炒飯外型不錯，炒得飯粒色澤分明，有機會下次就會一會佢😏❤️椒鹽豬扒飯一上枱時就心諗⋯我食唔食得晒架？！好大碟喎，三舊大豬扒連埋幾條菜心，飯既份量都好足夠（都唔明點解仲有人會叫多飯🤣🤣）豬扒炸到表面脆卜卜，再加上好嘢味既椒鹽粉，送飯一流👍