Atelier Gute by A-1 Bakery

Open Now

Now Closed

都有一排冇幫襯過a-1，今日經過見d麻糬波波幾靚仔，粒粒都脹卜卜，所以買咗黎食。$5/1, $21/5 有朱古力,黑芝麻,同芝士味我照舊都係食朱古力同芝士🤣唔知係咁啱今次d麻糬波較新鮮定佢進步咗，拎上手冇以前咁油，外面偏乾身而且微脆，入面依然咁軟糯。朱古力味係原味麻糬波加朱古力粒，所以唔會有好香濃朱古力味。係面嗰層嘅朱古力粒焗完之後會變到焦焦地咁，令外層更加脆口，有少少似食緊曲奇餅咁。佢整體甜度係黎自入面半溶嘅朱古力粒，甜味比一般牛奶朱古力低，就算一次過食幾粒都唔覺得過甜！芝士味雖然外面望落有d芝士絲，但其實好淡，似原味多d，要咬多一陣先會有微微嘅芝士香，但佢就比朱古力味軟身同煙韌，空氣感亦較低。