3rd Space (Closed)

星期一放假，約左朋友一齊食個early lunch，黎左近朋友公司既cafe坐低傾計食野。24小時浸煮鮮豚肉角煮慢煮蛋殼米茶漬飯豚肉切成薄片，肉質軟諗。茶漬飯好有日本既感覺，撈埋溫泉蛋同飯一齊食，唔錯。招牌燒海鹽忌廉麻糬班戟配北海道牛奶雪糕及水果有七隻味選擇，我地揀左花生醬煉乳，呢隻味基本上無得輸。班戟好軟糯，有咬口，夾住麻糬變得更好食，果然係招牌。宇治抹茶豆乳拿鐵配北海道牛奶雪糕賣相好靚，抹茶味好濃郁，附上一球好味既牛奶雪糕，有Affogato既影子。奇亞籽皇室伯爵茶拿鐵我覺得呢杯好飲，伯爵茶味夠出，甜度適中，加埋奇亞籽，層次豐富左又健康。