瘋鳥 (Closed)

蘋果香煎松阪豬沙律（$68)沙律清新開胃，蘋果切薄片，口感爽脆，香煎松阪豬調味適中，肉味香濃，用咗豬頸肉嘅部份，口感柔軟。焗西蘭花芝士卷（$56)焗西蘭花芝士卷以為係一啲卷物，點知原來係一個球形，以芝士包住西蘭花再拎去炸，勁多芝士，鍾意芝士一定要食。海賊拿破崙意大利粉（$78)拿破崙意粉即係類似茄汁意粉，用咗海賊做配料，味道鮮甜，唔錯。特濃朱古力麻糬窩夫（$70)食窩夫一向都係食香脆嘅口感，但係呢度嘅窩夫就係用咗麻糬窩夫，口感同一般嘅窩夫完全唔同，食落煙韌！朱古力味勁濃，加埋雪糕非常夾。