Video
Read full review
2023-07-16
8 views
呢間餐廳係日式居酒屋嘅裝修，貼滿晒充滿日本元素嘅貼紙，座位闊落，坐得都幾舒服！嘢食就主打雞煲同埋川式串燒，仲有一啲小炒可以叫，有種日川fusion嘅感覺😂！佢呢度嘅串燒用熱石板上，上枱仲可以聽到滋滋聲，keep住食物嘅溫度，又做到啲焦脆嘅口感！🌟而家佢哋搞緊活動，每日都會有唔同嘅優惠，我星期六去，額外送多咗一客鱈魚乾俾我哋～如果星期日去仲有全單七折，超抵食！------------------------------🐓◖喜聚麻辣滋補鮮烏雞（半隻）◗ $198平時麻辣雞煲食得多，烏雞真係第一次試！佢嘅麻辣麻而不辣，🌶️◖麻辣四姊妹◗ $88用咗蓮藕、竹筍、淮山、萵筍同雲耳毛埋佢嘅麻辣醬炒出嚟，麻香十足，成碟又脆又鮮甜，幾惹味！🍢串燒類除咗佢嘅雞煲，另一主打就係串燒，除咗自家首創嘅特色串燒，仲有好多其他款式，仲可以自己揀口味，下面有啲價錢可以參考返🙈～💕/燒珍寶大扇貝（蒜蓉） $78扇貝肉好大好厚，蒜蓉味好香，食埋啲粉絲一流，一啖過超滿足～💕/燒貴妃蚌（蒜蓉） $68好少見有燒嘅貴妃蚌，一見到有即刻試吓，貴妃蚌口感好彈牙有咬口，值得一試！💕/燒新鮮脆皮白鱔 $68白鱔係餐廳招牌之一，外
🌟而家佢哋搞緊活動，每日都會有唔同嘅優惠，我星期六去，額外送多咗一客鱈魚乾俾我哋～如果星期日去仲有全單七折，超抵食！
------------------------------
🐓◖喜聚麻辣滋補鮮烏雞（半隻）◗ $198
平時麻辣雞煲食得多，烏雞真係第一次試！佢嘅麻辣麻而不辣，
🌶️◖麻辣四姊妹◗ $88
用咗蓮藕、竹筍、淮山、萵筍同雲耳毛埋佢嘅麻辣醬炒出嚟，麻香十足，成碟又脆又鮮甜，幾惹味！
🍢串燒類
除咗佢嘅雞煲，另一主打就係串燒，除咗自家首創嘅特色串燒，仲有好多其他款式，仲可以自己揀口味，下面有啲價錢可以參考返🙈～
💕/燒珍寶大扇貝（蒜蓉） $78
扇貝肉好大好厚，蒜蓉味好香，食埋啲粉絲一流，一啖過超滿足～
💕/燒貴妃蚌（蒜蓉） $68
好少見有燒嘅貴妃蚌，一見到有即刻試吓，貴妃蚌口感好彈牙有咬口，值得一試！
💕/燒新鮮脆皮白鱔 $68
白鱔係餐廳招牌之一，外面搽咗一層醬料，燒完之後有少少焦糖嘅感覺，魚皮燒得好香脆，皮下有少少脂肪魚油好香，肉質好彈牙，必叫！
💕/日式燒雞肝 $32
有五大粒雞肝，幾粉幾綿，食落去啖啖肉！
💕/海鹽燒皇牌牛舌 $49
牛舌亦係餐廳招牌之一，牛舌好大塊好厚，用咗牛舌芯嘅部位，油脂略嫌唔太夠，肉感比較重～
💕/燒黑啤牛仔骨（特厚） $69
有兩大件，好少食到咁厚嘅牛仔骨，唔需要太多調味，淨係用鹽可以帶到牛肉本身嘅味道，食埋啲筋膜，口感好豐富～
💕/燒原條牛肋條（沙嗲） $39
牛肋條一串咁上，搽上沙嗲汁甜甜地，都幾大串，有啲筋膜嘅位置，頗有咬口，個人幾鍾意！
💕/燒茄子（蒜蓉） $29
茄子唔係原條，份量會相對少啲～佢切好一嚿嚿，上面嘅蒜蓉鋪得好滿，好香蒜蓉味，食落去有啲甜味，但相對上會少咗啲燒烤嘅香味呢！
💕/燒雞脾菇（孜然） $19
雞髀菇燒到啱啱好，保持到裏面嘅汁水，唔會乾身，加啲孜然同辣椒粉，都唔錯～
💕/照燒汁燒京蔥 $18
京蔥燒得都幾香，加埋照燒汁，令京蔥本身嘅甜味更加豐富，表面啲照燒汁會稍微有小小過咗火～
💕/燒燒賣（沙嗲） $19
燒燒賣真係好正，燒賣煙煙韌韌，配上沙嗲汁燒，外皮笑得好煙韌，夠晒惹味，鐘意燒賣嘅朋友唔好錯過！
💕/燒玉桂焦糖金菠蘿 $38
菠蘿切得好有心機，賣相好吸引，燒完面層有一層焦糖脆皮，配埋肉桂嘅香氣更出色！
🥤◖Zero◗ $18
🌟 Encore指數：8.4/10
Post
