麻辣妹 (Closed)

新慶麻辣妹香港人越黎越鍾意麻辣，今次去到旺角啲巷仔見到呢間又有特色又新既麻辣妹，緊係要入去試下啦。首先，裝修好新又舒服。仲有瑪麗蓮夢露style，好得意呀！叫左個支竹海帶米線，好夠足料，酸菜夾得岩岩好。唔夠辣側邊仲有辣椒油可以比你自己加。當然仲要試下佢啲小食啦，雞翼豬耳雙拼，黎到賣相勁吸引，仲配有青瓜絲，好清新。仲有一個必食名菜，潮洲牛筋丸，又彈牙又入味，入口辣辣地，好鬼正！順帶一提，佢地仲有酒水，食辣野一流呀！