Video
Read full review
2024-03-10
13 views
每次經過鬼金棒嘅時候，都會覺得佢嘅裝修好神秘，唔知入面嘅裝修係點嘅呢🤭🤭今日lunch time約同事去，餐廳內部果然好有風格，牆上面全部都係魔鬼面具，有啲去咗日本旅行嘅感覺～🔹特製麻辣味噌拉麵鬼金棒嘅拉麵可以分開揀麻度同埋辣度，今次叫咗小麻小辣，感覺可以再叫辣少少，始終重口味都係佢哋特色～麻辣味噌拉麵有好多配料，包括粟米筍、芽菜、溫泉蛋、叉燒等，而且特製版會比味玉版本多一舊叉燒添！呢度嘅叉燒果然令人眼前一亮，大舊厚切得黎肥瘦相間～肉質食落非常軟腍而且入味，睇得出熬煮咗好長時間，係心機作！拉麵湯底非常濃稠而且夠香，食得辣嘅朋友可以試吓佢哋嘅中辣同埋中麻，相信會更加惹味！拉麵質地彈牙，係我鍾意嘅軟硬程度，唔會過腍仲帶點咬口，整體嚟講成碗都好出色，配料豐富、湯底又夠濃郁！🔹配菜叫咗煎餃，裏面係簡單嘅菜肉餃，除咗就咁點醋嚟食之外，因為煎餃本身味道唔會太濃，可以試吓放入拉麵湯底一齊食用，另有一番風味～
今日lunch time約同事去，餐廳內部果然好有風格，牆上面全部都係魔鬼面具，有啲去咗日本旅行嘅感覺～
🔹特製麻辣味噌拉麵
鬼金棒嘅拉麵可以分開揀麻度同埋辣度，今次叫咗小麻小辣，感覺可以再叫辣少少，始終重口味都係佢哋特色～
麻辣味噌拉麵有好多配料，包括粟米筍、芽菜、溫泉蛋、叉燒等，而且特製版會比味玉版本多一舊叉燒添！呢度嘅叉燒果然令人眼前一亮，大舊厚切得黎肥瘦相間～肉質食落非常軟腍而且入味，睇得出熬煮咗好長時間，係心機作！
拉麵湯底非常濃稠而且夠香，食得辣嘅朋友可以試吓佢哋嘅中辣同埋中麻，相信會更加惹味！拉麵質地彈牙，係我鍾意嘅軟硬程度，唔會過腍仲帶點咬口，整體嚟講成碗都好出色，配料豐富、湯底又夠濃郁！
🔹配菜叫咗煎餃，裏面係簡單嘅菜肉餃，除咗就咁點醋嚟食之外，因為煎餃本身味道唔會太濃，可以試吓放入拉麵湯底一齊食用，另有一番風味～
Post
