砂煲兄弟 (東港城) (Closed)

嚐辣嘅我常常喺餐廳見到有麻辣或者水煮嘅餸菜都一定會叫嚟食，感受一下辣到上心口嘅感覺，刺激一番。今次喺砂煲兄弟餐廳見到有水煮魚，歡喜若狂。地獄水煮魚挑戰無極限，呢種辣度卻實令舌頭有種麻痺感，卻又食得痛快，其實單單見到呢個水煮魚 已經流曬口水，配料方面有芽菜豆卜，吸收曬麻辣嘅精華，攞嚟送飯一流。慢煮火焰牛仔柳餐牌話係限量供應，所以一見到就即刻落order， 服務員遞上已見到個煲熊熊火焰，還飄來陣陣餸菜嘅香氣，開頭以為 燃燒只係一瞬間，卻又出奇地 燃燒了一陣子，牛柳片放在面上，當火焰熄滅後，牛柳片大概六成熟左右，肉嫩有啃勁，而底部就放了洋蔥青椒等配料，夠惹味啱曬我，不錯。手拍青瓜青瓜夠爽口，食落去索索聲， 青瓜醃的幾好味。整杯咸檸七好爽。餐廳食物賣相吸引，尤其水煮魚辣到上心口啱曬我，一放搵朋友一齊挑戰下。