麻辣風雲 (荃碧大廈) (Closed)

天氣又開始涼涼地，男朋友話去《麻辣風雲 》食辣嘢，暖下個身。我哋去左荃灣荃碧大廈1樓《麻辣風雲 》，餐廳環境好舒服，服務員嘅態度亦都好好。干煸肥腸，超肥美香脆嘅干煸肥腸，肥腸已經炸到多餘嘅油脂出晒嚟，食落去有好香脆嘅口感，再加埋大量辣椒香蔥一齊炒，又辣又香超級惹味，用嚟送飯一流呀！香辣干鍋，呢個香辣干鍋又係一個送飯一流嘅菜式！入邊有肥牛，大蜆，鮑魚，鮮蝦，雞件，肥牛啖啖肉冇得頂，大蜆用辣椒炒過食落去感覺更加鮮甜，超正呀！炸的饅頭，隻隻炸到金黃色，令蠟蠟，上台熱辣辣，外層香脆，內面軟熟，點埋甜甜的煉奶超好味。