麻辣妹 (Closed)

鍾意食辣嘅人一定會鍾意食麻辣妹，今日同老公行經女人街，行到咁上下就搵嘢食。我哋見到呢一間麻辣妹，大大個門口招牌吸引左我地入去。地方寬敞闊落，坐落去又唔會覺得迫。叫餐方式都非常之方便，係自己用紙佢圈，之後交俾職員落單，咁一定會減低落錯單嘅機會。粉麵我鍾意佢有得揀熱拌同涼拌，價錢一d都唔貴，中意揀幾多餸都得。我就要左涼拌冷麵，微麻辣，餸就要左豬腩肉、炸棱魚球同韭菜餃。而我老公就要左熱拌米線，微麻辣，韭菜餃，送就要肥牛、冬菇、同魚皮餃。涼拌同熱拌揀既麵係唔同嫁 熱拌既選擇相對較多，例如可以揀米線、紅薯粉、水晶粉同薯仔返，但涼拌只係可以揀粉皮同冷麵。不過配上特製嘅撈汁，食落各有各風味。另外叫左2款小食，分別係涼拌黃金皮蛋 $28，同潮州牛筋丸（4粒）配特製辣椒粉。黃金皮蛋平時都好少食，食落比一般既皮蛋更有彈性，加上紅油、莞茜同香蔥，食落更加滋味好吃。而潮州牛筋丸粒粒都爽口彈牙，咬落去仲見到d牛筋喺入面，牛味十足。配埋特製辣椒粉又香又辣，非常過癮。