極尚大喜屋 (鱷魚恤中心)

Open Now

Now Closed

今日經過觀塘，見好耐都無去食鱷魚恤依間大喜屋，11點幾就到左，排住隊先。自助區好多前菜，拎咗啲小龍蝦同埋瀨尿蝦，小龍蝦係麻辣口味，入口非常惹味，同喺一啲中國餐廳食嘅味道一樣，瀨尿蝦好新鮮，見到台台都拎一碟入去慢慢食，點少少醬油就已經好鮮味。放題第一樣嘢當然係叫刺身，刺身選擇特別多，例如有三文魚油甘魚希靈魚赤貝北寄貝北海道帶子仲有甜蝦，每款叫少少，樣樣都新鮮美味。仲有泰式生蝦！款款都好新降壽司方面有蟹肉芝士軟殼蟹，三文魚腩，左口魚邊，份量細細件，可以食多幾嚿。食放題點少得叫雪花牛肉鍋，有牛肉又有菜，有少少湯水濕吓個喉嚨，真係好正我媽咪仲食埋個蟹粥先走