Video
Read full review
2023-07-26
715 views
辣辣之夜，今晚約咗同樣愛好食辣既朋友，去咗厚福街正宗川菜館 「嫲嫲辣辣」，這𥚃主打麻辣干鍋，有香辣、麻辣、孜然和不同辣度，更有多達六十幾款配菜可供選擇，另外水煮魚和酸菜魚都非常出色，當然仲有大量四川美食，全部都係辣🌶️🌶️好味道😋🌶️▪️麻辣皮蛋 $ 40麻辣醬汁夠晒麻辣帶少少微甜，用上黃皮糖心皮蛋，蛋黃流心好正，皮蛋上有香蔥和花生，仲有爽口青瓜，撈埋麻辣汁超級美味🌶️▪️招牌酸菜魚 $ 218湯頭夠麻夠酸，最特別有柴魚，令湯更加甜，辣度我哋今次叫咗中辣，魚片非常嫩滑，而且份量非常多同埋好大片，食極個底都仲有好多，配料方面有芽菜、萵筍、酸菜，芫荽，同埋我最愛嘅寬粉，配料吸盡湯汁嘅精華，超級好味🌶️▪️老干媽炒蜆 $ 96老干媽醬香麻味道甜辣，配上蜆、洋蔥、青椒、辣椒、豆豉、蒜蓉爆炒，最後灑上芝麻，超級惹味，下飯一流🌶️▪️麻辣干鍋 中辣 $ 31 ｜ 五花腩片 $ 40 ｜ 雞軟骨 $ 34中蝦 $ 47 ｜ 肥腸 $ 39 ｜ 即炸土豆片 $ 31麻辣干鍋我哋揀咗麻辣中辣五個自己喜歡的配料，一上枱超級大份，滿滿辣椒和配料，爆炒得非常麻香和乾身，每樣材料都好入味，特別喜歡肥腸和即炸土豆片，超級香脆惹味，真
辣辣之夜，今晚約咗同樣愛好食辣既朋友，去咗厚福街正宗川菜館 「嫲嫲辣辣」，這𥚃主打麻辣干鍋，有香辣、麻辣、孜然和不同辣度，更有多達六十幾款配菜可供選擇，另外水煮魚和酸菜魚都非常出色，當然仲有大量四川美食，全部都係辣🌶️🌶️好味道😋
🌶️▪️麻辣皮蛋 $ 40
麻辣醬汁夠晒麻辣帶少少微甜，用上黃皮糖心皮蛋，蛋黃流心好正，皮蛋上有香蔥和花生，仲有爽口青瓜，撈埋麻辣汁超級美味
🌶️▪️招牌酸菜魚 $ 218
湯頭夠麻夠酸，最特別有柴魚，令湯更加甜，辣度我哋今次叫咗中辣，魚片非常嫩滑，而且份量非常多同埋好大片，食極個底都仲有好多，配料方面有芽菜、萵筍、酸菜，芫荽，同埋我最愛嘅寬粉，配料吸盡湯汁嘅精華，超級好味
🌶️▪️老干媽炒蜆 $ 96
老干媽醬香麻味道甜辣，配上蜆、洋蔥、青椒、辣椒、豆豉、蒜蓉爆炒，最後灑上芝麻，超級惹味，下飯一流
🌶️▪️麻辣干鍋
中辣 $ 31 ｜ 五花腩片 $ 40 ｜ 雞軟骨 $ 34
中蝦 $ 47 ｜ 肥腸 $ 39 ｜ 即炸土豆片 $ 31
麻辣干鍋我哋揀咗麻辣中辣五個自己喜歡的配料，一上枱超級大份，滿滿辣椒和配料，爆炒得非常麻香和乾身，每樣材料都好入味，特別喜歡肥腸和即炸土豆片，超級香脆惹味，真心推介，下次又可以嚟食唔同嘅口味唔同材料👍🏻👍🏻
🥛▪️豆漿 $ 12 ｜ 可樂 $ 14
飲品方面，我個人推介呢度嘅豆漿，豆味香濃唔太甜，而且好解辣
Post
