成都老碼頭火鍋 (Closed)

講起大角咀嘅打邊爐，絕對唔少得哩間成都老碼頭。每次經過都飄來陣陣麻辣嘅香氣，令人垂涎欲滴。內裡地方闊落，古色古香，一兩個人撐枱腳又得，一大班人聚會又得。▶️自選鴛鴦鍋底($208)雖然朋友不嗜辣，但一場嚟到點可以錯過最馳名嘅成都麻辣紅油湯底，於是點咗鴛鴦湯底，一次過滿足晒兩個願望。一上枱就見紅白兩邊對比鮮明，滾開後麻辣味撲面而來，醒胃~▶️澳洲雪花肥牛($88/半份)可以點選半份，試更多款式，好中意哩個做法。肥牛肉味濃郁，肥瘦適中，放兩邊湯底都一樣正。▶️西班牙黑毛豬腩肉($86/半份)薄切令肉更容易索住湯汁，發揮湯底的優勢👍🏻。▶️老友鬼鬼($58)特別的墨魚滑，外面用油炸鬼包裹，煮熟後油炸鬼充滿湯汁，入口是彈牙的墨魚滑同軟糯飽滿嘅油炸鬼，口感多元。▶️冰豆腐($26)打邊爐必食之選，中意品嚐濃郁湯底嘅不可錯過。▶️皇帝菜($39)擺盤精美，好似一盤盆栽咁，好盞鬼~▶️啤酒任飲($28/人)實在抵到爛，每人衹要飲一支就返到本，可以選擇百威或者哈啤，配打邊爐一流！中意飲酒嘅真系非常之抵！▶️醬料($25/人)醬料選擇多元，仲有個特製老碼頭麻油，好香~還有水果任食~