聚寶食軒

Open Now

Now Closed

作為麻辣控既我，一直致力搵勻全港九新界既麻辣菜😏，上網見到土瓜灣超高人氣既餐廳【聚寶食軒】，約埋幾個麻辣控朋友一齊去。嘩！未到鋪頭，已經見到一大堆人排緊隊，係唔係真係好味得咁誇張😱？結果真係一試難忘😋每張枱都有回味雞煲🐔，材料多到個煲就快無位，有紫洋蔥、芫茜、薑、辣椒等等⋯⋯雞肉肉質好滑溜，雞煲汁超級麻辣又濃郁，又香又好食，真係會忍唔到口！黃金脆炸魚皮🐠，厚薄適中之餘，好香脆唔易碎，師傅功夫十足！椒鹽墨魚餅🦑，墨魚餅滑溜爽口，椒鹽帶出墨魚餅既鮮味，好好味呀！孜然牛仔骨🐄，孜然味道香濃，牛仔骨入味又鬆軟，仲有辣椒同蔥，牛仔骨更麻辣香口！總結，麻辣程度唔會令你失望😎，食過就知真係好味到需要排隊去食！