湯火功夫麻辣燙 (Closed)

無意中係銅鑼灣搵食搵到依間湯火功夫，終於唔洗返大陸都可以食到正宗四川麻辣燙！單是湯底已經有4款，麻度同辣度都有得揀，非常講究！一向嗜辣嘅我叫左碗招牌麻辣燙，中麻中辣椒， 陣陣麻香深入味蕾！湯底咁濃點可以唔揀薯粉，薯粉吸收晒湯底嘅精華，超級惹味！配菜揀左蟹柳，薯仔片同油麥菜，整體不錯！朋友唔食得辣，店內姐姐介紹左個蕃茄湯底比佢，只選小麻不選辣，就可以過下香辣癮！配料選擇多，大路嘅好似魚腐海帶波菜e d正常水準，嫩滑嘅牛肋肉係意外驚喜👍🏻最後值得一讚係自家製酸梅汁，解辣一流！