川莊

Open Now

Now Closed

我一向都好鍾意食四川麻辣野，今日去旺角朗豪坊行街，就見到呢間川莊，見佢嘅餐牌有水煮野食，就入去試吓啦！一坐低，店員即刻比左杯茶我地，初頭以為係普通茶，一打開，原來有乾坤㗎，驟眼睇有紅棗、杞子、菊花，飲落好甜好香！我地叫咗水煮魚，佢有分珍寶同例牌size，店員話珍寶夠3至4人食，我地一行4人就叫咗珍寶size，原來叫水煮魚可以免費加4款配料，我加左薯粉 + 豬紅 + 牛柏葉 + 蘿蔔，配料煮到勁入味，佢嘅辣度有分5個級別，5係最辣，我地叫咗級別3嘅辣度，其實都幾辣，佢d魚片都幾滑，食得辣喺朋友可以一試！