牛站(駅)麻辣火鍋放題

Open Now

Now Closed

上個禮拜放假同咗個friend出咗尖沙咀行街，順便食嘢，雖然天氣好熱，但係又好想打邊爐，所以我哋已經book咗位去牛站食四個鐘頭任食火鍋放題，好彩有book位，坐低無幾耐已經全場爆滿人～我哋揀咗4號餐，店長推介嘅特上牛小排放題，選擇咗鴛鴦湯底；牛駅秘製麻辣鍋＆椰子雞鍋～湯底非常足料,椰子雞鍋清甜美味，秘製麻辣鍋香味濃郁，鍾意食辣一定要揀呢個湯底！跟住我哋就開始揀打邊爐配料啦，鵝腸、海參、花膠、脆鯇魚片、魚肚、海蝦、牡蠣、黑毛肚、美國豬梅肉片、封門柳、澳洲M5和牛、特上牛小排……. 等等，實在太多了熟食方面，我哋揀咗；麻辣小龍蝦、麻香爽滑魚皮、燒乳鴿……仲有多款甜品、雪糕，而且仲有大量飲品選擇……呢度食放題款式種類真係好多選擇，而且多元化，仲有四個鐘頭可以任食就算一路傾偈一路食都唔會覺得趕時間，可以慢慢同朋友傾偈打邊爐，非常享受～