天龍海鮮火鍋 (Closed)

約咗兩個friends在旺角食飯傾計，但唔想食cafe，行行下見到呢間小火鍋館新開張，企理又光猛，一於入去幫襯打個邊爐慢慢食、慢慢傾。叫咗麻辣海鮮雞煲，賣相一流，好大鍋，雞肉幾嫩，蜆都好多好新鮮，成鍋嘢好夾好入味之後加湯一樣不得了！打邊爐點可以唔叫牛肉！都ok幾有牛味～呢碟芝心包心丸超正一咬就流出芝士，不過要小心食唔好辣親！墨魚滑不錯！蓮藕片原來好襯麻辣湯底蜂巢豆腐好惹味同冬瓜片一齊索晒湯勁好味小小火鍋館，都算幾多嘢食位置又方便，可以在幫襯！